پاکستان کے خلاف کسی بھی انٹرنیشل کرکٹ سیریز میں پہلی بار افغان ٹیم کی فتح پر ترجمان طالبان سہیل شاہین نے بھی نے افغان ٹیم کو مبارک باد دی۔
اپنے ایک ٹویٹ میں ترجمان طالبان نے پشتو زبان میں لکھا کہ راشد خان، نجیب زدران، اور قومی کرکٹ ٹیم کے تمام چیمپئنز اور افغان عوام کو ٹی ٹوئنٹی کرکٹ سیریز جیتنے پر مبارکباد دیتا ہوں، کامیاب اور مشہور نوجوان بنیں۔
اتوار کو 3 میچز پر مشتمل سیریز کے کھیلے گئے دوسرے میچ میں پاکستان کو 7 وکٹوں سے شکست دیکر سیریز میں 0-2 کی فیصلہ کن برتری حاصل کرلی۔
گرین شرٹس نے مقررہ 20 اوورز میں 6 وکٹوں کے نقصان پر 130 بنائے، جواب میں افغان ٹیم نے 20 ویں اوور میں 3 وکٹوں کے نقصان پر ہدف حاصل کرلیا۔
