تحریک لبیک ضلع سوات کا مہنگائی کے خلاف احتجاجی مظاہرہ

سوات وائس : تحریک لبیک ضلع سوات کا مہنگائی کے خلاف پریس کلب کے سامنے احتجاجی مظاہرہ، مظاہرہ جلوس کی شکل میں نشاط چوک سے روانہ ہوکر پریس کلب پہنچ گئے، پریس کلب کے سامنے خوب نعرہ بازی، مظاہرین نے ہاتھوں میں بینرز اور پلے کارڈ ز اٹھا رکھے تھے جس پر مختلف نعرے درج تھے، مظاہرے سے خطاب کرتے ہوئے تحریک لبیک کے امیر پی کے 5 مفتی شہاب الدین، منتخب چیئرمین ویلج کونسل کوٹلئی ہاشم خان، مفتی عبدالکبیر اور دیگر نے کہا کہ ملک بھر میں جاری مہنگائی نے عوام کا جینا حرام کر رکھا ہے، آئے روز اشیائے ضروریات کی نرخوں میں اضافہ ہوتا جارہاہے جس نے عوام کی زندگی اجیرن کر رکھا ہے، انہوں نے کہا موجودہ حکومت جاری مہنگائی پر نظر ثانی کرکے عوام سستا ریٹ پر اشیائے ضروریات فراہم کرنے میں اپنا کردار ادا کریں کیونکہ آئے پیٹرولیم مصنوعات میں اضافہ ہوتا جارہا ہے اور اس کے ساتھ ساتھ آٹا، گھی، چینی اور دیگر اشیائے خوردنوش کی قمیتیں بڑھتی جارہی ہے، انہوں نے کہا کہ ہم موجودہ حکومت کے اعلیٰ حکام سے پرزور مطالبہ کرتے ہیں کہ پیٹرولیم مصنوعات میں کمی لاکر پرانے نرخنامے پر لگائیں تاکہ عوام کو سستا سہولت مل جائے، اگر مہنگائی مزید بڑھ گئی تو ہم سڑکوں پر نکل آئیں گے اور احتجاجی تحریک شروع کرکے آئندہ لائحہ عمل کا اعلان کریں گے۔