ڈگلس: ٹی 20 کرکٹ کی تاریخ میں کم ترین اسکور کا نیا ورلڈ ریکارڈ کر دیا گیا۔
ٹی 20 کرکٹ کی تاریخ میں پوری ٹیم 10 رنز پر ہی آوْٹ ہو گئی جبکہ مخالف ٹیم نے صرف 2 گیندوں پر ہدف عبور کر کے میچ جیت لیا۔
کارٹا گینا کے میدان میں آئل آف مین اور اسپین کے درمیان کھیلے گئے میچ میں یہ ریکارڈ قائم ہوا۔ جب آئل آف مین کی پوری ٹیم آٹھویں اوور میں صرف 10 رنز پر ہی آوْٹ ہو گئی۔
اسپین کی جانب سے محمد کامران اور عاطف محمود نے 4, 4 وکٹیں حاصل کیں جبکہ اسپین نے پہلی 2 گیندوں پر ہی ہدف حاصل کر لیا۔
یہ بھی پڑھیں: پی ایس ایل کی سیکیورٹی کیلئے نصب کیمرے چوری
اس سے قبل ٹی 20 کی تاریخ کا کم ترین اسکور 15 تھا جو گزشتہ سال دسمبر میں بگ بیش لیگ کے دوران سڈنی تھنڈرز نے ایڈیلیڈ اسٹرائیکر کے خلاف بنایا تھا۔
