پاکستان کرکٹ بورڈ مینجمنٹ کمیٹی کے چیئرمین نجم سیٹھی نے سوشل میڈیا پر شدید ردعمل کے بعد پاکستان سپر لیگ سے متعلق اپنی ٹوئٹ ڈیلیٹ کر ڈالی۔
نجم سیٹھی نے اپنی ٹوئٹ میں لکھا تھا کہ کالعدم ٹی ٹی پی نے مختلف معاہدے توڑنے پر پاکستان کی سیکیورٹی اسٹیبلشمنٹ پر حملے کا اعلان کیا تھا، پی ایس ایل کو ان سے کوئی خطرہ نہیں، یہ جاری رہے گی۔
ان کی اس ٹوئٹ پر سوشل میڈیا صارفین نے انہیں آڑے ہاتھوں لیا اور شدید تنقید کا نشانہ بنایا۔
ٹوئٹر پر ایک صارف نے نجم سیٹھی کی ٹوئٹ کا حوالہ دیتے ہوئے کہا کہ لگتا ہے کہ ٹی ٹی پی نے انہیں یقین دلایا ہے کہ چاہے ملک کے دیگر حصوں پر حملہ ہو، پی ایس ایل جاری رہے گا۔انہیں ملک سے زیادہ پی ایس ایل کی فکر ہے!
TTP has assured him that PSL would continue even if the rest of the country is under attack. @najamsethi is more concerned about PSL than a country! pic.twitter.com/KsZdc26AHB
— Amnah Jabeen (@AmnahJPlus) February 18, 2023
ایک اور صارف نے لکھا کہ نجم سیٹھی کے پی ایس ایل کے محفوظ ہونے کا دعویٰ کرنے والے بیان پر بہت صدمہ ہوا کیونکہ ٹی ٹی پی نے ریاستی اداروں کو نشانہ بنایا ہے۔ پی سی بی کے چیئرمین کو پیغام دیتے ہوئے الفاظ کا انتخاب سمجھداری سے کرنا چاہیے۔
Very much shocked with the statement by Najam Sethi claiming PSL is safe because TTP has targeted state institutions. Chairman of PCB should choose the words wisely while delivering a message. Perhaps such statement by Najam Sethi was not even necessary to be given rn. #HBLPSL8
— Arfa Feroz Zake (@ArfaSays_) February 18, 2023