سوات میں بارش اور برف باری، سردی میں اضافہ

سوات وائس : سوات کے میدانی علاقوں میں بارش جبکہ پہاڑوں پربرفباری کا سلسلہ جاری ہے ،سوات کے سیاحتی مقامات میں پہاڑوں نے سفید چادر اوڑھ لی ہے۔ جس کے باعث سردی کی شدت میں مذید اضافہ ہوگیا ہے،سوات بھر میں دوسرے روز سے میدانی علاقوں میں وقفے وقفے کے ساتھ بارش جبکہ پہاڑوں پر برفباری کا سلسلہ جاری ہے، جس کی وجہ سے موسم انتہائی سرد ہوگیاہے۔ سوات کے سیاحتی علاقے ملم جبہ ، میاندم ، بحرین ، کالام ، مٹلتان، اتروڑ اور گبرال میں بھی برف باری کاسلسلہ جاری ہے۔ ملک بھر سے بڑی تعداد میں سیاحوں نے سوات کے سیاحتی مقامات کا رخ کرلیا جہاں پر سیاح برف باری اور سوات کے خوبصورت نظاروں سے خوف لطف اندوز ہور رہے ہیں۔