قومی کرکٹ ٹیم کے فاسٹ بولر شاہین شاہ آفریدی کا نکاح سابق کپتان شاہد آفریدی کی صاحبزادی انشا سے ہو گیا۔
شاہد آفریدی کی صاحبزادی اور شاہین آفریدی کا نکاح ذکریا مسجد میں مولانا عبدالستار نے پڑھایا۔
تقریب میں قومی ٹیم کے کپتان بابر اعظم، سابق کپتان سرفراز احمد، نسیم شاہ اور حال ہی میں رشتہ ازدواج میں بندھنے والے شاداب خان بھی موجود تھے۔
ٹی 20 ورلڈ کپ صرف 50 فیصد فٹنس پر کھیلا تھا، شاہین شاہ آفریدی
نکاح کے بعد شاہین شاہ آفریدی کے ساتھی کھلاڑیوں کی جانب سے مبارکباد کا سلسلہ بھی شروع ہو گیا۔
لاہور قلندرز کے لیگ اسپنر راشد خان نے کہا کہ شاہین آفریدی آپ کو نکاح کی بہت بہت مبارک ہو۔ جنوبی افریقی آلرآؤنڈر ڈیوڈ ویسا نے اپنے پیغام میں کہا کہ شاہین یاد رکھنا! بیگم سکھی تو زندگی سکھی۔
بین ڈنک نے کہا کہ شاہین کے مستقبل کے لیے نیک خواہشات کا اظہار کرتا ہوں۔
