دبئی: قومی کرکٹ ٹیم کےکپتان بابر اعظم انٹر نیشنل کرکٹ کونسل (آئی سی سی) کرکٹر آف دی ائیر بن گئے۔
قومی کرکٹ ٹیم کے کپتان بابر اعظم آئی سی سی کرکٹر آف دی ائیر کا ایوارڈ حاصل کرنے والے دوسرے پاکستانی بن گئے ہیں، گزشتہ سال بابر اعظم او ڈی آئی کرکٹر آف دی ائیر 2022 بھی قرار پائے تھے۔
بابر اعظم کو آئی سی سی ون ڈے ٹیم آف دی ائیر 2022 کا کپتان بھی بنایا گیا جبکہ بابر اعظم کو آئی سی سی ٹیسٹ ٹیم آف دی 2022 میں بھی شامل کیا گیا ہے۔
اس سے قبل نئی ون ڈے ریکنگ میں قومی کرکٹ ٹیم کے کپتان بابر اعظم کی پہلی پوزیشن برقرار ہے۔
یہ بھی پڑھیں: امام الحق کا دل بھی مچلنے لگا
آئی سی سی کی جاری کردہ رینکنگ کے مطابق کپتان بابر اعظم 887 پوائنٹس کے ساتھ بیٹنگ رینکنگ میں پہلے نمبر پر براجمان ہیں جبکہ 766 پوائنٹس کے ساتھ دوسرے نمبر پر جنوبی افریقہ کے رسی وین ڈر ڈوسن اور تیسری پوزیشن پر 759 پوائنٹس کے ساتھ جنوبی افریقہ کے ہی کوئنٹن ڈی کوک ہیں۔
