انگلینڈ کے خلاف راولپنڈی ٹیسٹ کی پچ پر ملنے والے ڈی میرٹ پوائنٹ کے خلاف پی سی بی کی اپیل منظور ہو گئی۔ آئی سی سی نے راولپنڈی کرکٹ اسٹیڈیم کا ڈی میرٹ پوائنٹ واپس لے لیا ہے۔
واضح رہے آئی سی سی نے راولپنڈی ٹیسٹ کے لیے تیار کی گئی وکٹ کو ناقص قرار دیتے ہوئے وکٹ کو ایک ڈی میرٹ پوائنٹ دیا گیا تھا۔
یہ بھی پڑھیں: راولپنڈی کرکٹ اسٹیڈیم کی وکٹ پھر ناقص قرار
رپورٹس کے مطابق ڈی میرٹ پوائنٹس 5 برس تک برقرار رہتے ہیں جبکہ مزید ڈی میرٹ پوائنٹس پر پنڈی وینیو کی میزبانی خطرے میں پڑ سکتی ہے۔
یاد رہے کہ پنڈی ٹیسٹ میچ کے پہلے دن انگلینڈ نے 75 اوورز میں 4 وکٹ کے نقصان پر 506 رنز بنائے تھے جبکہ ایک اننگز میں 7 سنچریاں بھی اسی ٹیسٹ میچ میں بنائی گئی تھیں۔
