Swat Voice
Sport

ٹاس جیت کر کیا کرناہے؟روہت شرما بھول گئے

WhatsApp Image 2023 01 22 at 11.41.51 AM 960x540 - ٹاس جیت کر کیا کرناہے؟روہت شرما بھول گئے


نیوزی لینڈ کے خلاف میچ سے قبل بھارتی کپتان روہت شرما نے ٹاس تو جیت لیا لیکن پہلے فیلڈنگ کرنی ہے یا بیٹنگ اپنا ہی بنایا ہوا پلان بھول گئے۔

نیوزی لینڈ اور بھارت کے درمیان رائے پور میں ہونے والے میچ سے قبل دلچسپ صورتحال اس وقت پیدا ہوئی جب بھارتی کپتان روہت شرما نے ٹاس جیت لیا لیکن فیلڈنگ یا بیٹنگ کرنے سے متعلق فیصلہ بھول گئے۔

سری ناتھ نے ٹاس کے بعد انڈین کپتان سے ان کا فیصلہ پوچھا تاہم وہ جواب دینے کے بجائے خاموش ہو گئے۔روہت شرما نے سر پر  ہاتھ رکھ کر کچھ یاد کرنے کی کوشش کی تو کیوی کپتان ٹام لیتھم  اور سری ناتھ بے اختیار ہنس پڑے۔

screenshot 492 - ٹاس جیت کر کیا کرناہے؟روہت شرما بھول گئے

یہ بھی پڑھیں:پی ایس ایل 8 کے شیڈول کا اعلان ہو گیا

روہت شرما نے ایک لمحے کے توقف کے بعد بتایا کہ وہ پہلے بولنگ کریں گے۔ روہت شرما نے اقرار کیا کہ  وہ بھول گئے تھے کہ ہم کیا کرنا چاہتے ہیں۔ ٹاس کے معاملے پر ٹیم سے بہت زیادہ تبادلہ خیال ہوا تھا اور وہ بھول گئے تھے کہ ایسے موقع پر کرنا کیا ہے۔

کرکٹ کے میدان کے اس انوکھے واقعے کی ویڈیوز سوشل میڈیا پر صارفین  کی توجہ کا مرکز بنی رہی۔ صارفین نے روہت شرما کی تصاویر اور ویڈیوز شیئر کرتے ہوئے دلچسپ تبصرے بھی کیے۔

رائے پورے میں کھیلے گئے دوسرے ایک روزہ میچ میں انڈین ٹیم نے میزبان سائیڈ کو پہلے پینتیسویں اوور میں 108 رنز پر آؤٹ کیا اور جواب میں بیٹنگ کرتے ہوئے اکیسویں اوورز کی پہلی گیند پر 111 رنز بنا کر کامیابی حاصل کر لی۔

 



Source link

متعلقہ

سیمی فائنل میں ہار دیکھ کربھارتی کھلاڑیوں کی اوٹ پٹانگ حرکتیں

Swat Voice Editor

ٹی 20 ورلڈ کپ میں ناقص کارکردگی، پوری بھارتی سیلکشن کمیٹی برطرف

Swat Voice Editor

Multan Sultans secure dominant victory over Karachi Kings

Swat Voice Editor

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy