لاہور: قومی کرکٹ ٹیم کے کپتان بابر اعظم نے کہا ہے کہ سینئر کھلاڑی مشکل وقت میں کھیلتا ہے اور سرفراز نے مشکل حالات میں بیٹنگ کی۔
قومی کرکٹ ٹیم کے کپتان بابر اعظم نے میڈیا سے گفتگو کرتے ہوئے کہا کہ ابھی ایک روزہ میچ ہو رہا ہے اس لیے ٹیسٹ کی بات نہ کریں۔
انہوں نے کہا کہ کوشش کریں گے متوازن ٹیم میدان میں اتاریں اور غیر ملکی لیگ کے لیے این او سی ملنا کھلاڑیوں کا حق ہے۔
یہ بھی پڑھیں: ٹینس اسٹار ثانیہ مرزا کاانٹرنیشنل ٹینس سے ریٹائرمنٹ کا اعلان
بابر اعظم نے کہا کہ نیوزی لینڈ کی ٹیم بہترین ہے اس لیے اچھا مقابلہ ہو گا۔ سلیکٹر، کوچ اور کپتان کا ایک پیج پر ہونا ضروری ہے اور ہم سب ایک پیج پر ہیں۔
انہوں نے کہا کہ میرا کام کرکٹ کھیلنا ہے کسی کو جواب دینا نہیں اور مشکل حالات میں سرفراز نے بیٹنگ کی۔ سینئر کھلاڑی مشکل وقت میں کھیلتا ہے۔
