پاکستان سپر لیگ (پی ایس ایل) 8 کے لیے پشاور زلمی کی کٹ لانچ کردی گئی۔
پشاور زلمی نے کٹ لانچ کرنے کی ویڈیو سوشل میڈیا پر جاری کی ہے جس میں کپتان بابراعظم موجود ہیں۔
ویڈیو میں دیکھا جا سکتا ہے کہ کپتان بابراعظم پشاور زلمی کی نئی کٹ میں بہت خوبرو لگ رہے ہیں۔
OUR KITS FOR PSL 8 #PeshawarZalmi #Yellowstorm pic.twitter.com/vSyPugHI5B
— Javed Afridi (@JAfridi10) January 3, 2023
سوشل میڈیا پر صارفین نے پشاور زلمی کی کٹ کو خوب پسند کیا ہے۔
ایک صارف نے اپنی ٹوئٹ میں زلمی کی کٹ کی تعریف کرتے ہوئے لکھا کہ بابر اعظم کی ساتھ نئی کٹ بہت اچھی لگ رہی ہے اور انشاء اللہ بابر اعظم کی کپتانی میں اس بار پشاور زلمی دوسری بار چمپئن ٹیم بنائے گی۔
پشاور زلمی کے چیئرمین جاوید آفریدی کا کہنا ہے کہ پشاور زلمی کی ٹریننگ کٹ کو ایک بار پر پھر ہوم سٹی پشاور سے منسوب کیا گیا ہے۔
انہوں نے بتایا کہ ٹریننگ کٹ میں شامل ڈیزائن کو پھولوں کے شہر پشاور سے تشبیہ دی گئی ہے، ٹریننگ کٹ پر پاکستان کی قومی جانور اور زلمی ماسکوٹ مارخور کو بھی نمایاں کیا گیا ہے۔
