پاکستان اور نیوزی لینڈ کے درمیان دوسرے ٹیسٹ کے لیے حسن علی اور نسیم شاہ کی ٹیم میں واپسی ہو گئی۔
پاکستان اور نیوزی لینڈ کے درمیان دوسرے ٹیسٹ میچ کا میدان نیشنل اسٹیڈیم کراچی میں سج گیا۔ نیوزی لینڈ نے دوسرے ٹیسٹ میں پاکستان کے خلاف ٹاس جیت کر بیٹنگ کا فیصلہ کیا۔
کپتان نیوزی لینڈ کرکٹ ٹیم کا کہنا ہے کہ اچھی کارکردگی کا مظاہرہ کریں گے۔ قومی ٹیم کے کپتان بابر اعظم نے بتایا ہے کہ حسن علی اور نسیم شاہ کی ٹیم میں واپسی ہوئی۔نعمان اور وسیم جونیئر کو آرام دیاگیاہے۔
یہ بھی پڑھیں:اگلے سال آپ کو مختلف کرکٹ دیکھنے کو ملے گی، بابر اعظم
دوسرے ٹیسٹ کے لیے شائقین کا اسٹیڈیم میں داخلہ مفت ہے۔شائقین کو اسٹیڈیم میں داخل ہونے کے لیے صرف شناختی کارڈ یا ب فار دکھانا ہوگا۔
واضح رہے کہ کراچی میں کھیلا گیا پہلا ٹیسٹ میچ پاکستان اور نیوزی لینڈ کے درمیان ڈرا ہو گیا تھا۔
