لاہور: قومی ٹیم کے کپتان بابر اعظم نے کہا ہے کہ اگلے سال آپ کو مختلف کرکٹ دیکھنے کو ملے گی۔
قومی ٹیم کے کپتان بابر اعظم نے کراچی ٹیسٹ میچ پر تبصرہ کرتے ہوئے کہا کہ بہت سی جگہوں پر ہمیں مواقع سے فائدہ اٹھانا چاہیے تھا لیکن وہ ہم نہیں اٹھا پائے۔ دوسری اننگز میں امام الحق بہت اچھا کھیلے۔
انہوں نے کہا کہ سعود شکیل اور محمد وسیم جونیئر کی سب سے اچھی پارٹنر شپ تھی اور جب کھلاڑی مقابلہ کرتے ہیں تو بطور ٹیم اعتماد ملتا ہے۔
یہ بھی پڑھیں: الزام تراشی کی عادت نہیں، غلطی تسلیم کرتا ہوں، شاہد آفریدی
بابر اعظم نے کہا کہ فائیٹ کرنے سے لگتا ہے کہ ہم میچ نکال سکتے ہیں اور ایک وقت میں لگ رہا تھا کہ 50 یا 60 کی لیڈ دے سکیں گے۔
انہوں نے کہا کہ سعود شکیل اور محمد وسیم جونئیر کی پارٹنر شب نے میچ ہارنے سے بچایا اور اگلے سال آپ کو مختلف کرکٹ دیکھنے کو ملے گی۔
