ڈیوڈ وارنر 100 ویں ٹیسٹ میں ڈبل سنچری بنانے والے دوسرے کھلاڑی بن گئے۔
آسٹریلین اوپنر ڈیوڈ وارنر نے اپنے سویں ٹیسٹ میچ کو یادگار بنا لیا۔ جنوبی افریقہ کے خلاف میچ میں ڈبل سنچری بنالی ۔ وہ سویں ٹیسٹ میں ڈبل سنچری بنانے والے دنیا کے دوسرے اور سنچری بنانے والے دسویں کھلاڑی بن گئے ہیں ۔
یہ ان کے ٹیسٹ کریئر کی 25ویں سنچری اور تیسری ڈبل سنچری ہے۔ وہ 100ویں ٹیسٹ میچ میں سنچری بنانے والے دوسری آسٹریلوی بلے باز بھی بنے۔
یہ بھِی پڑھیں:بابر اعظم سب سے زیادہ انٹرنیشنل ففٹی پلس کرنے والے پلیئر بن گئے
ان کے علاوہ رکی پونٹنگ نے بھی 100ویں ٹیسٹ میچ میں سنچری بنائی تاہم وہ دونوں اننگز میں سنچری بنانے کا اعزاز رکھتے ہیں۔
ڈیوڈ وارنر اپنے 100ویں ٹیسٹ اور 100ویں ون ڈے میں سنچریز بنانے والے بھی دوسرے بلے باز بن گئے۔ ان کے علاوہ یہ اعزاز گورڈن گرینج نے حاصل کر رکھا ہے۔
ڈیوڈ وارنر اس ڈبل سنچری کے ساتھ ہی 8 ہزار ٹیسٹ رنز بنانے والے آسٹریلیا کے 8ویں بلے باز بن گئے۔
