کراچی: قومی کرکٹ ٹیم کے کپتان بابر اعظم نے ایک اور ریکارڈ اپنے نام کر لیا۔ انہوں نے ایک سال میں بین الاقوامی میچوں میں سب سے زیادہ ففٹی بنائیں۔
قومی کرکٹ ٹیم کے کپتان بابر اعظم نے کراچی میں انگلینڈ کے خلاف ٹیسٹ میچ میں ایک اور ریکارڈ بنا ڈالا۔ قومی ٹیم کے کپتان ایک سال میں بین الاقوامی میچوں میں سب سے زیادہ 50 سے زائد رنز بنانے والے پاکستانی بن گئے۔
کراچی ٹیسٹ کی پہلی اننگز میں بابر اعظم نے نصف سنچری بنا ڈالی جس کے بعد وہ 23ویں انٹرنیشنل ففٹی کرنے والے پہلے پاکستانی کھلاڑی بن گئے۔
اس سے قبل سابق کپتان مصباح الحق نے 2013 میں 22 انٹرنیشنل ففٹیاں بنائی تھیں۔ بابر اعظم کی 23 نصف سنچریوں میں 7 سنچریاں اور 16 نصف سنچریاں شامل ہیں۔
یہ بھی پڑھیں: اظہر علی کا آخری ٹیسٹ، کیریئر کیسا رہا ؟
واضح رہے کہ پاکستان کے اسٹار بلے باز بابر اعظم نے اس سال ٹیسٹ میں 9، ون ڈے میں 8 اور ٹی 20 میں 10 ففٹی پلس رنز اسکور کیے۔
سری لنکن کھلاڑی کمارا سنگا کارا نے 2014 میں 25 جبکہ رکی پونٹنگ نے 2005 میں 24 ففٹی پلس اسکور کیے تھے، بھارت کے سارو گنگولی اور انگلینڈ کے جو روٹ بھی ایک کیلنڈر سال میں 23، 23 ففٹی پلس کر چکے ہیں۔
