نیوزی لینڈ کی جانب سے دورہ پاکستان کے لیے ٹیسٹ اسکوڈ کا اعلان کر دیا گیا۔
نیوزی لینڈ نے دورہ پاکستان کے لیے 15 رکنی ٹیسٹ اسکواڈ کا اعلان کردیا۔ کین ولیمسن کی ٹیسٹ قیادت سے علیحدگی کے بعد ٹم ساؤتھی ٹیم کی قیادت کریں گے۔
اسکواڈ میں مائیکل بریسویل، ٹام بلنڈل،ڈیوون کونوے اور میٹ ہنری شامل ہیں۔نیوزی لینڈ ٹیسٹ اسکواڈ میں لیگ اسپنر ایش سوڈھی کو چار سال بعد شامل کیا گیا ہے۔
یہ بھی پڑھیں: نیوزی لینڈ کے کین ولیمسن ٹیسٹ ٹیم کی کپتانی سے دستبردار
ٹام لیتھم، ڈیرل مچل، ہینری نکولز، اعجاز پٹیل، گلین فلپس بھی اسکواڈ کا حصہ ہیں۔ بلیئر ٹکنر، نیل ویگنر، کین ولیمسن اور ول ینگ بھی 15 رکنی اسکواڈ میں شامل ہیں۔
پاکستان اور نیوزی لینڈ کے درمیان پہلا ٹیسٹ کراچی میں 26 دسمبر سے شروع ہوگا۔دوسرا ٹیسٹ میچ 3جنوری سے ملتان میں کھیلا جائے گا۔
