فیفا ورلڈ کپ میں کوارٹرز فائنل کی لائن اپ مکمل ہوگئی۔ پرتگال، مراکش، کروشیا، برازیل، نیدر لینڈز،ارجنٹینا، انگلینڈ اور فرانس اگلے مرحلے میں پہنچنے میں کامیاب رہے۔
فیفا ورلڈ کپ میں پرتگال نے سوئٹزرلینڈ کو شکست دے کر کوارٹر فائنل میں رسائی حاصل کر لی۔ پرتگال نے حریف ٹیم کو 1-6 کے زبردست مقابلے کے بعد پری کوارٹر فائنل کا میچ ہرایا۔
پرتگال کے کھلاڑی گونکالو راموس نے ورلڈکپ کی پہلی ہیٹ ٹرک اسکور کرکے اپنی ٹیم کی کامیابی میں اہم کردار ادا کیا۔پرتگال کے پیپے، رافیل گوریرو اور رافیل لیو نے ایک ایک گول کیا۔
یہ بھی پڑھیں:اسپین کو اپ سیٹ شکست،مراکش کوارٹر فائنل میں
پرتگال کی جیت کے ساتھ پری کوارٹر فائنلز کا مرحلہ اختتام پذیر ہو گیا۔ اگلے مرحلے میں پہلا کوارٹر فائنل 9 دسمبر کو کروشیا اور برازیل کے درمیان کھیلا جائے گا۔
10 دسمبر کو2 کوارٹر فائنلز کھیلے جائیں گے۔ پہلے میچ میں نیدر لینڈ اور ارجنٹینا آمنے سامنے ہوں گے۔ دوسرے میچ میں مراکش اور پرتگال کا مقابلہ ہوگا۔
11 دسمبر کو آخری کوارٹر فائنل میں انگلینڈ اور فرانس سیمی فائنل میں رسائی کی جنگ لڑیں گے۔
