حلال فوڈ اتھارٹی کی کارروائیاں جاری،دودھ کی دکان سیل، تندور،پاپڑ بنانے کے کارخانوں سے مصالحہ ضبط

سوات  وائس :فوڈ سیفٹی اینڈ حلال فوڈ اتھارٹی ضلع سوات ٹیم کی کاروائیاں جاری،خفیہ اطلاع پر پاپڑ بنانے والے کارخانے سے سینکڑوں کلو مضر صحت مصالحہ ضبط، منگلور میں دودھ کی دکان سے مصنوعی دہی میں استعمال ہونے والے اجزاء بھاری مقدار میں ضبط دکان سربمہر، اس کے علاوہ بریانی ریسٹورنٹ سے 40 کلو نان  گریڈ کلر اور 150 کلو چائنہ سالٹ ضبط کر لی گئی۔ ڈپٹی ڈائریکٹر ملاکنڈ ڈویژن ڈاکٹر مراد علی نے میڈیا نمائندگان کو تفصیلات بتاتے ہوئے کہا کہ خفیہ اطلاع اور پرائم منسٹر سیٹیزن پورٹل پر موصول ہونے والی شکایات پر ضلع سوات میں کاروائیاں جاری ہے اور ملاکنڈ ڈویژن کے عوام کو محفوظ خوراک کی فراہمی یقینی بنانے کے لئے ڈی جی کے پی فوڈ اتھارٹی کی خصوصی ہدایات ہیں۔