لاہور: بلائنڈ ٹی 20 ورلڈ کپ کے لیے قومی ٹیم کا اعلان کر دیا گیا۔
بلائنڈ ٹی 20 ورلڈ کپ کے لیے 17 رکنی اسکواڈ کا اعلان کیا گیا ہے جس کے مطابق وکٹ کیپر بیٹر نثار علی کو میگا ایونٹ کے لیے کپتان مقرر کیا گیا ہے۔
میگا ایونٹ کے لیے منتخب کیے گئے ظفر اقبال نائب کپتان کے فرائض سرانجام دیں گے۔ اسکواڈ میں 17 کھلاڑیوں کے علاوہ 2 ریزرو کھلاڑیوں کا بھی انتخاب کیا گیا ہے۔
یہ بھی پڑھیں: ارجنٹائن سے جیت کی خوشی، سعودی ولی عہد سجدہ ریز ہو گئے
دیگر کھلاڑیوں میں ریاست خان، شاہ زیب، محمد سلمان، محمد آصف، فخر عباس، بدر منیر، معین اسلم، انیس جاوید، شاہ زیب حیدر، کامران اختر،محمد ارشد، مطیع اللّٰہ، محمد صفدر، اکمل حیات اور محسن خان شامل ہیں۔
2 ریزرو کھلاڑیوں میں ساجد نواز اور فیصل محمود کو شامل کیا گیا ہے۔
واضح رہے کہ ٹی 20 ورلڈ کپ اگلے ماہ 4 سے 17 دسمبر تک بھارت میں کھیلا جائے گا۔
