Swat Voice
سوات نیوزضرور پڑھیں

پولیس افسران اور نوجوان آمن وامان برقرار رکھنے پر پوری توجہ مرکوز کرے،آر پی او ملاکنڈ

DIG 2 - پولیس افسران اور نوجوان آمن وامان برقرار رکھنے پر پوری توجہ مرکوز کرے،آر پی او ملاکنڈ

سوات وائس :  ریجنل پولیس آفیسر ملاکنڈ سجاد خان نے منگل کے روز دیر بالا کا دورہ کیا ۔دیر بالا آمد پر ڈسٹرکٹ پولیس آفیسر طارق سہیل مروت نے ریجنل پولیس آفیسر ملاکنڈ کا پرتپاک استقبال کیا جبکہ  پولیس لائن دیر بالا پہنچنے   پر ریجنل پولیس آفیسر ملاکنڈ سجاد خان کو پولیس کے چاق و چوبند دستے نے سلامی پیش کی۔ ریجنل پولیس آفیسر نے دیر آپر پولیس لائن میں یادگارِ شہداء پر سلامی بھی دی اور وہاں پر پھولوں کا گلدستہ رکھ کر انھوں نے پولیس شہدا کے ایصال ثواب کے لئے فاتحہ خوانی  کی۔دریں اثناء ڈی پی اُو آفس دیر بالا میں ریجنل پولیس آفیسر نے ضلعی پولیس  افسران سے ملاقات کی اور انھیں ضلع میں آمن وامان کی موجودہ مجموعی صورتحال پر تفصیلی بریفننگ دی گئی،اس موقع پر  ریجنل پولیس آفیسر نے پولیس افسران سے خطاب کرتے ہوئے کہا کہ سماج دشمن عناصر اور جرائم پیشہ افراد کے خلاف گھیرا تنگ کیا جائے اور کسی بھی شخص کو امن و مان کو خراب کرنے کی ہر گز اجازت نہیں دی جائے گی، انھوں نے کہا کہ امن وامان کو نقصان پہنچانے والے عناصر کے ساتھ کوئی رعایت نہیں برتی جائے گی اور ان کو کیفرِ کردارتک پہنچایا جائے گا ۔ریجنل پولیس آفیسر کا مزید کہنا تھا کہ ضلعی پولیس  منشیات فروشوں اور اس مکروہ دھندے میں ملوث تمام عناصر کے خلاف  جاری کریک ڈاؤن کو مزید تیز کرے اور منشیات فروشوں کے ساتھ کسی بھی قسم کی رعایت نہ کی جائے کیونکہ یہ عناصر ہماری آنے والی نسلوں کی تباہی  پر تُلے ہوئے ہیں، انھوں نے ہدایت کی کہ تمام پولیس افسران و نوجون اپنے تمام وسائل، اور خفیہ اطلاعاتی نظام بروئے کار لاکر منشیات کے لعنت میں ملوث بڑے کرداروں کو گرفتار کرکے اُن کو کیفر کردار تک پہنچا کر آنے والی نسلوں کو جرائم سے پاک معاشرہ فراہم کرنے میں اپنا کردار ادا کریں۔ریجنل پولیس آفیسر نے پولیس آفسران کو ہدایت کی کہ وہ روزانہ کی بنیاد پر پٹرولنگ کرائیں اور سرچ اینڈ سٹرائیک آپریشن کا انعقاد کرائیں جبکہ سماج دشمن عناصر پر کھڑی نظر رکھیں تاکہ کوئی ضلع میں نقص امن کی کوشش نہ کرسکے۔ انھوں نے کہا کہ عوام کی جان و مال کا تحفظ پولیس کی اولین ذمہ داریوں میں شامل ہے اور پولیس  اپنےاپنے  علاقوں میں کھلی کچہریوں کا انعقاد بھی کرائیں تاکہ عوام اور پولیس کے مابین فاصلے ختم ہوں، اور پولیس پر عوام کا اعتماد بحال ہو۔

متعلقہ

صوبائی وزیر نے دھمکیاں دی اورہراساں کیا ،بٹ خیلہ اسپتال کے ایم ایس ڈاکٹر جمیل کی پریس کانفرنس

Saeed

ملاکنڈ ڈویژن میں ٹیکس کے نفاذ کے خلاف ہر فورم پر آواز اٹھائیں گے، فضل حکیم

Saeed

سیدو شریف، فائرنگ کے تبادلے میں ایک جاں بحق،ایک زخمی

Saeed

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy