ویسٹ انڈیز کے مایہ ناز سابق بیٹر و کپتان برائن لارا نے ٹی ٹوئنٹی ورلڈ کپ فائنل میں پاکستان کی جیت کی خواہش کا اظہار کر دیا۔
بھارتی میڈیا سے گفتگو کرتے ہوئے انہوں نے کہا کہ میرے خیال میں انفرادی کھلاڑیوں کے لحاظ سے پاکستان کے پاس بہتر ٹیم ہے۔
ان کا کہنا تھا کہ انگلینڈ نے بہت اچھی ساختہ کرکٹ کھیلی ہے لیکن خواہش ہے کہ اس بار ٹرافی ایشیا میں آئے۔
ٹی ٹوئنٹی ورلڈ کپ کا فائنل بارش سے متاثر ہونے کا امکان
دوسری جانب سابق بھارتی کپتان و لیجنڈری بیٹر سچن ٹنڈولکر نے کہا ہے کہ مومنٹم پاکستان کے ساتھ ہے مگر گراؤنڈ کا طول و عرض انگلینڈ کو فائدہ پہنچائے گا۔
انہوں نے کہا کہ پاکستان صحیح وقت پر عروج پکڑ رہا ہے تاہم انگلینڈ کے بولرز اسکوائر آف دی وکٹ کا فائدہ اٹھا کر پاکستانی بیٹرز کو مشکل میں ڈال سکتے ہیں۔
