قومی کرکٹ ٹیم کے کپتان بابر اعظم نے پاکستان سپر لیگ (پی ایس ایل) کی فرنچائز کراچی کنگز چھوڑ کر پشاور زلمی کو جوائن کر لیا ہے۔
ہم نیوز کے مطابق پشاور زلمی کے مالک جاوید آفریدی نے ہم نیوز سے خصوصی گفتگو کرتے ہوئے بتایا ہے کہ بابراعظم نے بطور کپتان پشاور زلمی کو جوائن کیا ہے۔
جاوید آفریدی نے کہا ہے کہ نسیم شاہ کے بھی پشاور زلمی میں شمولیت کے قومی امکانات ہیں۔
دوسری جانب کراچی کنگز نے بابراعظم کیلیے نیک خواہشات کا اظہار کیا ہے۔
GUESS ❓ pic.twitter.com/TR1JHvUY98
— Javed Afridi (@JAfridi10) November 11, 2022
مزید برآں پی ایس ایل 8 کے پلیئر ڈرافٹ کے لیے غیر ملکی کھلاڑیوں کے نام سامنے آ گئے ہیں۔
پاکستان سپر لیگ نے سرکردہ غیر ملکی کھلاڑیوں کی ویڈیو جاری کی ہے۔کھلاڑیوں میں انگلینڈ کے ریس ٹاپلی ، ٹام کُرن جنوبی افریقا کے وائین پارنل ، لونگی این گیڈی، وین ڈر ڈوسن، سری لنکا کے داسن شاناکا شامل ہیں۔
عادل رشید ،نکولس پورن ،ایون لوئس ،وانندو ہسارنگا،جیمی نیشم اور آسٹریلیا کے ٹی ٹوئنٹی ٹیم کے کپتان ایرون فنچ بھی پی ایس ایل ڈرافٹ میں شامل ہیں۔
اس کے علاوہ راشد خان، شکیب الحسن ،ڈیوڈ ملر ،ڈیوڈ ملان ،مجیب الرحمان ،ایلیکس ہیلز بھی پلئیرز ڈرافٹ کے سرکردہ کھلاڑیوں میں شامل ہیں۔
