لاہور: آئرلینڈ کے خلاف سیریز کے لیے قومی ویمن اسکواڈ کا اعلان کر دیا گیا۔
قومی ویمنز 3 ٹی ٹوئنٹی اور 3 ایک روزہ میچز 4 سے 16 نومبر تک لاہور میں کھیلے جائیں گے۔ اسکواڈ میں فاطمہ ثنا کی واپسی ہوئی ہے جبکہ ڈیانا بیگ انجری کے باعث شامل نہیں ہیں۔
ویمنز ایک روزہ اور ٹی 20 اسکواڈ کی قیادت بسمہ معروف کریں گی جبکہ ایمن انور، عالیہ ریاض، فاطمہ ثنا، غلام فاطمہ، کائنات امتیاز، منیبہ علی، نشرہ سندھو، ندا ڈار، عمیمہ سہیل، صدف شمس اور سعدیہ اقبال اسکواڈ میں شامل ہیں۔
یہ بھی پڑھیں: پاکستان بھارت میچ پریشر نہیں چیلنج ہوتا ہے، بھارتی کپتان
عائشہ نسیم، سدرہ امین، سدرہ نواز اور امِ ہانی کو بھی 15 کھلاڑیوں پر مشتمل اسکواڈ کا حصہ بنایا گیا ہے۔
