ٹی ٹوئنٹی ورلڈ کپ میں دوسرا اپ سیٹ ہو گیا۔ اسکاٹ لینڈ نے ویسٹ انڈیز کو زیر کر لیا۔
آئی سی سی مینز ٹی ٹوئنٹی ورلڈ کپ کے پہلے مرحلے کے کوالیفائنگ راؤنڈ میں دوسرا اپ سیٹ ہو گیا۔ اسکاٹ لینڈ نے ویسٹ انڈیز کو 42 رنز سے شکست دے دی۔
اسکاٹ لینڈ کی طرف سے 161 رنز کے ہدف کے تعاقب میں ویسٹ انڈیز کی ٹیم 118 رنز بنا سکی۔
یہ بھی پڑھیں:کورونا کی علامات ظاہر ہونے پر بھی کرکٹرز کو کھیلنے کی اجازت
ورلڈکپ کے تیسرے میچ میں ویسٹ انڈیز نے ٹاس جیت کر فیلڈنگ کا فیصلہ کیا۔اسکاٹ لینڈ نے مقررہ اوورز میں 5 وکٹوں کے نقصان پر 160 رنز اسکور کیے۔
اسکاٹ لینڈ کی طرف سے اوپنر جارج منسے 66 رنز بنا کر نمایاں رہے۔ویسٹ انڈیز کے جیسن ہولڈر اور الزاری جوزف نے دو دو کھلاڑیوں کو آؤٹ کیا ۔
جواب میں ویسٹ انڈیز کا کوئی بلے باز جم کر نہ کھیل سکا۔ پہلے میچ میں نمیبیا نے سری لنکا کو شکست دے کر اپ سیٹ کیا تھا۔
