تین ملکی سیریز کے آخری گروپ میچ میں بنگلہ دیش کی پاکستان کیخلاف بیٹنگ جاری ہے۔
نیوزی لینڈ میں جاری تین ملکی سیریز کے آخری گروپ میچ میں پاکستان اور بنگلہ دیش مد مقابل ہیں۔بنگلہ دیش نے ٹاس جیت کرپہلے بیٹنگ کرنے کا فیصلہ کیا۔
اب تک بنگلہ دیش کے 4کھلاڑی پویلین لوٹ چکے ہیں۔بنگلہ دیش کی پہلی وکٹ7 اور دوسری 41 رنز پر گری۔سومیا سرکار 4 رنز بنا کر نسیم شاہ کی گیند پر کیچ آوٹ ہوئے۔نجم الحسین شانتو 12 رنز بنا کر محمد وسیم کی گیند پر آوٹ ہوئے۔
شکیب الحسن اور لٹن داس نے پچپن بالز پر اٹھاسی رنز کی برق رفتار پارٹنرشپ بنائی۔ لیفٹ اور رائیٹ کمبینیشن کے سامنے پاکستانی بالر بے بس نظرآئے۔
لٹن داس نے69 رنز بنائے اور محمد نواز کی گیند پر کیچ آوٹ ہوئے۔ شکیب الحسن 68 رنز بنا کر نسیم شاہ کی گیند پر آوٹ ہوئے۔
واضح رہے کہ بنگلہ دیش کی ٹیم لگاتار تین میچ ہارنے کے بعد ٹورنامنٹ کے فائنل کی دوڑ سے باہر ہوگئی ہے۔
تین قومی کرکٹ ٹورنامنٹ کا فائنل کل پاکستان اور میزبان نیوزی لینڈ کے درمیان کھیلا جائے گا۔
