تین ملکی سیریز کے اہم میچ میں نیوزی لینڈ نے بنگلا دیش کو 48 رنز سے شکست دے دی، اب پاکستان اور نیوزی لینڈ کے درمیان فائنل میں جوڑ پڑے گا۔
کرائسٹ چرچ میں کھیلے جانے والے میچ میں بنگلا دیش نے ٹاس جیت کر نیوزی لینڈ کو بیٹنگ کی دعوت دی۔
کیویز بیٹرز نے جارحانہ بلے بازی کرتے ہوئے مقررہ اوورز میں 208 رنز بنائے اور ان کے 5 کھلاڑی آوٹ ہوئے،نیوزی لینڈ کےاوپنرڈیون کونوے 64،مارٹن گپٹل 34 اورفِن ایلن نے 32 رنزبنائے۔
نیوزی لینڈ کے گلین فلپس نے دھواں دھار بیٹنگ کی اور 19 گیندوں پر ففٹی مکمل کی ، انہوں ںے 5 چھکے لگائے اور 60 رنز بنا کر آوٹ ہوئے۔
Glenn Phillips’ blistering half-century helps New Zealand to a big total 🔥#NZvBAN | 📝 Scorecard: https://t.co/aqJCmjJA6j pic.twitter.com/LfXIjb0srm
— ICC (@ICC) October 12, 2022
بنگلہ دیش کے باولر سیف الدین نے 2وکٹیں حاصل کیں۔ 209 رنز کے تعاقب میں بنگلا دیش کی ٹیم 160 رنز بنا سکی اور اس کے 7 کھلاڑی آوٹ ہوئے۔
نیوزی لینڈ سے ہارنے کے بعد بنگلا دیش کی ٹیم کپ سے باہر ہو گئی تاہم وہ کل پاکستان کے ساتھ اپنا آخری میچ کل کھیلے گی۔
تین ملکی سیریز کا فائنل مقابلہ پاکستان اور نیوزی لینڈ کے مابین 14 اکتوبر ہو گا۔
