لاہور: پاکستان اور انگلینڈ کے درمیان کھیلی جانے والی سات میچوں پر مشتمل ٹی ٹوئنٹی سیریز کے آخری اور فیصلہ کن میچ میں پاکستان نے انگلینڈ کے خلاف ٹاس جیت کر فیلڈنگ کا فیصلہ کیا ہے۔
انگلینڈ نے چھٹا ٹی 20 جیت لیا، سیریز تین تین سے برابر
ہم نیوز کے مطابق قذافی اسٹیڈیم میں کھیلے جانے والے میچ میں پاکستان کے کپتان بابر اعظم نے ٹاس جیت کر انگلینڈ کو پہلے بیٹنگ کی دعوت دے دی ہے۔
4️⃣ changes to our playing XI for the final match of the series 👇#PAKvENG | #UKSePK pic.twitter.com/Oj00qJrXhE
— Pakistan Cricket (@TheRealPCB) October 2, 2022
انگلینڈ کے خلاف آخری ٹی ٹونٹی انٹرنیشنل میچ کے لیے قومی کرکٹ ٹیم میں چار تبدیلیاں کی گئی ہیں۔
بابر اعظم نے کوہلی کا بڑا ریکارڈ برابر کر دیا
وکٹ کیپر اور بلے باز محمد رضوان، خوشدل شاہ، فاسٹ بولرز حارث رؤف اور محمد حسنین کی فائنل الیون میں واپسی ہوئی ہے جب کہ محمد حارث، حیدر علی، عامر جمال اور شاہنواز دھانی کو آج آرام دیا گیا ہے۔
قومی کرکٹ ٹیم کے کپتان بابر اعظم نے اس موقع پر کہا ہے کہ انگلش ٹیم کو کم سے کم اسکور پر آوٹ کرنے کی کوشش کریں گے، سیریز جیتنے کی کوشش کریں گے۔
ہم نیوز کے مطابق مہمان کرکٹ ٹیم کے کپتان معین علی کا کہنا ہے کہ انگلینڈ کی ٹیم میں ایک تبدیلی کی گئی ہے۔
دونوں ٹیموں کے درمیان سیریز کے چھ میچز ہو چکے ہیں جس میں دونوں ٹیموں نے تین تین میچ جیتے ہیں۔
ایک سیریز میں سب سے زیادہ رنز،محمد رضوان کے نام ایک اور اعزاز
پاکستان اور انگلینڈ کے درمیان سات ٹی ٹوئنٹی میچز پر مشتمل سیریز کے ابتدائی 4 میچ کراچی میں ہوئے ہیں جب کہ لاہور میں شیڈول تین میچز میں سے دو ہو چکے ہیں اور تیسرا آج کھیلا جارہا ہے۔
