لاہور: قومی کرکٹ ٹیم کے فاسٹ باؤلر نسیم شاہ نے محمد رضوان کو لاکھوں میں ایک قرار دے دیا۔
قومی کرکٹ ٹیم کے فاسٹ باؤلر نسیم شاہ نے انگلینڈ کے خلاف ناقابل شکست اننگز پر کپتان بابر اعظم اور محمد رضوان سمیت پوری ٹیم کو مبارکباد دی۔
نسیم شاہ نے بابر اعظم کو شاندار سنچری کرنے پر سماجی رابطے کی ویب سائٹ ٹوئٹر پر مبارکباد دی اور محمد رضوان سے متعلق کہا کہ آپ لاکھوں میں ایک ہیں۔
یہ بھی پڑھیں: وہی ہوتا ہے جو منظور خدا ہوتا ہے، بابر اعظم کے والد کا پیغام
واضح رہے کہ گزشتہ روز پاکستانی بلے باز کپتان بابر اعظم اور وکٹ کیپر محمد رضوان نے شاندار کھیل کا مظاہرہ کرتے ہوئے انگلینڈ کا 200 رنز کا ہدف بغیر کسی وکٹ کے نقصان کے پورا کیا۔
انگلینڈ کے خلاف بہترین کھیل کا مظاہرہ کرتے ہوئے بابر اعظم نے شاندار سنچری اسکور کی جبکہ محمد رضوان نے بھی 88 رنز کی برق رفتار اننگز کھیلی اور ٹیم کو جیت سے ہمکنار کیا۔
