چیف سلیکٹر محمد وسیم نے آل راؤنڈر شعیب ملک کو اسکواڈ کا حصہ نہ بنانے کی وجہ بتا دی۔
ٹی ٹوئنٹی ورلڈ کپ، انگلینڈ سیریز اور دورہ نیوزی لینڈ کے لیے اسکواڈ کا اعلان کرتے ہوئے انہوں نے کہا کہ شعیب ملک کو پہلے بھی میں نے منتخب کیا تھا۔ اس دفعہ ٹیم کمبینشن مختلف ہے۔
انہوں نے کہا کہ آسٹریلیا میں ٹی ٹوئنٹی ورلڈکپ کے لیے تیاریاں گزشتہ ورلڈکپ کے بعد ہی شروع ہوگئی تھیں۔اس عرصے کے دوران جو کھلاڑی ٹیم میں نظر نہیں آرہے، یہ واضح پیغام ہے کہ وہ اُن کنڈیشنز کو دیکھتے ہوئے اور ٹیم کی ضرورت کو دیکھتے ہوئے نہیں کھیلے ہیں۔
ان کا کہنا تھا کہ مجھے امید ہے بابر اعظم مضبوط انداز میں کم بیک کریگا۔ ان کی صلاحیتوں سے ہم سب واقف ہے۔ آئندہ سیریز میں اوپننگ جوڑی کی بیٹنگ مختلف نظر آئیگی۔
محمد وسیم نے کہا کہ ہماری ٹی ٹوئنٹی ورلڈ کپ 2022 کی تیاری پچھلے ورلڈکپ سے شروع ہوگی۔ شان مسعود کی پرفارمنس سب کے سامنے ہے۔وہ اوپر اور مڈل میں کھیل سکتے ہیں۔
ان کا کہنا تھا کہ پہلے ہمارا نظریہ یہ تھا کہ شان کے ساتھ زیادتی نہ ہوجائے کیونکہ وہ تب اوپننگ کرتا تھا تاہم اس نے مڈل میں اچھا پرفارم کیا ہے۔
انہوں نے کہا کہ شان نے ٹی ٹوئنٹی انٹرنیشنل پہلے نہیں کھیلا لیکن ان کا دیگر فارمیٹ کا تجربہ ورلڈ کپ کے لئے کام آئیگا۔
