شوبز انڈسٹری اور کرکٹ کی دنیا کا ہمیشہ سے ایک رشتہ رہا ہے، کئی بھارتی اداکاروں کا نام پاکستانی کھلاڑیوں کے ساتھ جوڑا جاتا رہا ہے۔
اس بار یہ نام پاکستانی فاسٹ بالر نسیم شاہ کا ہے، جو اپنی بہترین کارکردگی سے دنیا بھر میں اپنے لاکھوں مداح بنائے میں کامیاب ہوئے تو وہیں وہ سرحد پار بھارتی اداراہ کو بھی بھا گئے، جنہوں نے اپنی پسندیدگی کا اظہار بھی کر دیا۔
گزشتہ روز بھارتی اداکارہ اروشی روٹیلا نے انسٹا اسٹوری میں ایک ویڈیو شئیر کی، جو پاک بھارت میچ کے دوران بنائی گئی تھی، ویڈیو میں نسیم شاہ گراونڈ میں مسکراتے نظر آرہے ہیں جبکہ اروشی اسٹیڈیم میں بیٹھی میچ انجوائے کر رہی ہے۔
فین کی بنائی گئی ایڈیٹ ویڈیو شئیر کرنے پر سوشل میڈیا صارفین نے مزے مزے کے تبصرے شروع کر دئیے، اور کہا کہ ایک اور بھارتی اداکارہ پاکستانی کھلاڑی پر فدا ہو گئی ہیں۔
صارفین نے دلچسب تبصرے کرتے ہوئے اروشی کو عبایا پہنا کر نسیم شاہ کے ساتھ کھڑا کر دیا اور لکھا کہ بھارتی اداکارہ کچھ ایسا سوچ رہی ہے۔ تاہم کچھ صارفین کو یہ جوڑی کچھ پسند نہیں آئی اور لکھا کہ ہمارے لڑکے کو چھوڑ دو۔
