دنیائے کرکٹ کے دو لیجنڈری کھلاڑی وسیم اکرم اور وقار یونس کو کرکٹ کے میدان میں تو کوئی ڈرا نہیں سکا، لیکن ایک چھوٹے طیارے نے انہیں ڈرا دیا۔
ہر بیٹس مین کے لیے فیلڈ میں خوفناک خواب بنی رہنے والی فاسٹ بالرز کی اس جوڑی نے ایک ویڈیو شئیر کی، جس میں دونوں سابق کھلاڑی فخر عالم کے ساتھ چھوٹے طیارے کی سیر کرنے کیلئے تیار ہیں۔
یہ بھی پڑھیں:بھارتی اداکارہ پاکستانی فاسٹ بالر نسیم شاہ کی فین
تاہم دونوں سپر اسٹارز اڑان سے پہلے فخر عالم کے چھوٹے طیارے کا مذاق بھی اڑاتے رہے، ویڈیو میں طیارے کی طرف اشارہ کرتے ہوئے وقار یونس نے وسیم اکرم سے سوال کیا کہ بھائی اس رکشے کا ڈرائیور کہاں ہے؟ جس پر وسیم اکرم نے جواب دیا کہ ہاں ڈرائیور ڈھونڈو اس رکشے کا پیٹرول، ڈیزل اور آئل چیک کرے۔
جس پر فخر عالم کا کہنا تھا کہ آپ کے اس رکشے کا ڈرائیور میں ہی ہوں، اور میں نے ہی آپ کو لے کر جانا ہے، جس پر وسیم اکرم نے اوپر دیکھتے ہوئے کہا کہ بس دعا ہی کر رہا ہوں۔
All our lives @waqyounis99 & I had world’s finest batsmen worried & scared. But today Waqar & I are petrified of flying in this tiny airplane with a crazy man @falamb3 . Dunno how he talked us into this..but this rickshaw driver better be good… pic.twitter.com/WlnElYyGW6
— Wasim Akram (@wasimakramlive) September 7, 2022
جبکہ وقات یونس نے اپنی ٹوئٹ میں تصویر شئیر کرتے ہوئے لکھا کہ وہ ابھی بھی یہ اندازہ نہیں کر سکے ہیں کہ یہ طیارہ ہے یا رکشہ، جبکہ انہوں نے اپنے اور وسیم اکرم کیلئے مداحوں سے دعا کرنے کی اپیل بھی کر ڈالی۔
Still not sure if this is a plane or rickshaw….Please pray🤲🏻 for me and @wasimakramlive because this airplane is too small and we all know how crazy @falamb3 is. Reminds me when I had to bat against other fast bowlers believe me that was less scarier🫣. pic.twitter.com/GvbJBINV3R
— Waqar Younis (@waqyounis99) September 7, 2022
