Swat Voice
Sport

ہانگ کانگ ٹی ٹوئنٹی کرکٹ میں سب سے کم اسکور کرنے والی 10 ویں ٹیم بن گئی

hong - ہانگ کانگ ٹی ٹوئنٹی کرکٹ میں سب سے کم اسکور کرنے والی 10 ویں ٹیم بن گئی


ایشیا کپ میں ہانگ کانگ کی ٹیم 38 رنز پر آؤٹ ہوکر انٹرنیشنل ٹی ٹوئنٹی کرکٹ میں سب سے کم اسکور کرنے والی 10 ویں ٹیم بن گئی۔

ٹی ٹوئنٹی انٹرنیشنل کرکٹ میں سب سے کم اسکور پر میدان بدر ہونے کا ریکارڈ ترکیہ کے پاس ہے۔ ترکیہ 30 اگست 2019 کو جمہوریہ چیک کے خلاف 8.3 اوورز میں صرف 21 رنز بنا کر آؤٹ ہوگئی تھی۔

یہ بھی پڑھیں:ایشیا کپ2022 : محمد رضوان کی پرفارمنس سے وسیم اکرم ناخوش

کم سے کم اسکور پر ہمت ہارنے والی ٹاپ ٹین ٹیموں میں ترکیہ کا نام تین مرتبہ آتا ہے۔ ترکیہ 28 اور 32 رنز پر بھی آؤٹ ہوچکی ہے۔ کیمرون کی ٹیم بھی 38 رنز پر واپس پویلین لوٹی

لیکن کیمرون کی اننگ کا اختتام 10.1 اوورز میں ہوا جبکہ ہانگ کانگ کی ٹیم نے پاکستان کے خلاف 10.4 اوورز تک مزاحمت کی۔

اس طرح ہانگ کانگ کی ٹیم اوسط کے اعتبار سے کم سے کم اسکور پر آؤٹ ہونے والی ٹیموں کی فہرست میں 9 ویں نمبر پر شمار ہوگی۔

یہ بھی پڑھیں:آٹو گراف، سیلفیاں اور گپ شپ، پاکستانی کھلاڑیوں کا ہانگ کانگ ٹیم کے ڈریسنگ روم کا دورہ

قبل ازیں پاکستان کے خلاف ٹی ٹوئنٹی کرکٹ میں سے سب کم اسکور پر آؤٹ ہونے والی ویسٹ انڈیز کی ٹیم تھی۔

پاکستان نے یکم اپریل 2018 کو کراچی کے نیشنل اسٹیڈیم میں ویسٹ انڈیز کی ٹیم کو 13.4 اوورز میں 60 رنز پر ڈھیر کر دیا تھا۔



Source link

متعلقہ

دوڑ کے مقابلے میں محمد رضوان سبقت لے گئے

Swat Voice Editor

برطانوی شہریت ملنے کے بعد کیا عامر آئی پی ایل کھیلیں گے؟

Swat Voice Editor

کرکٹ کی وجہ سے تعلیم متاثر ہوئی، والد کہتے تھے میٹرک نہیں کر پاؤں گا، دھونی

Swat Voice Editor

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy